Ay njiitu dëj yu UK ñungi artu ni keesu néew yi ñungi gëna "yaatu lool ngir ñu lakk ko" ci biir jafe jafe yaram bu magg bi, ak lu mel noonu ci Irlande.
Tim Purves njiitu Association Nasonaal bu njiitu dëj yi ak njiitu sosete dëj bu gina magg bi moom boppam ci Ekost gisna ap coppite bu magg ci 25 att: yaatuwaayu keesu néew bi joge ci 18 milimeet dem ba 20 milimeet, ak 24 milimeet mbaa lu gëna yaatu ñungi ko soxla leegi. Ñenn ci ñi génn àdduna dañu yaatu lool te kenn mënu leen lakk, moo tax njaboot gi dañu wara suul seen néew.
Liggéeyukaay bi dafa mujjee ànd ak moom ci jëfandikoo four yu gëna mag, komànde keesu néew yu gëna yaatu, ba noppi yobbu yeneen portekat ngir mëna jëfandikoo sargal yu gëna diis. Inspekteer bu Ekost bu suul yi, lakk yi ak njiitu dëj yi wonenañu itam ni "jafe jafe yi" ak keesu néew yu magg yi , boole ci ap mbir bu ñu munulwoon wacce keesu néew ci kaw benn krematorium, mu doggali sarwiis bi.
Tolluwaayu yaram wu ëpp ci gox bi dafa raglu: 60% ci mag ñi ci Irlande ak benn ci juróomi xale/ ndaw ñi dañu ëpp yaram wala ñu ëpp yaram. Ñi gëna am risk ñooy mag ñi, jigéen ñi ëmb/yu judd, ñi am feebaru lekk, feebaru xel/yaram, ak nit ñiñ dàq ci askan wi wala ñu amul njariñ. Purves dafa fësal liggéey bi liggéeyukaay bi def ci ngor, di wax ni amul benn koñ buñuy dagg ngir nit ñu gëna mag doonte amna ay jafe-jafe yu ciy yokk.
15320611/Keesu néew yu mag -lakk -àrtu -dëj -njiit-Britain{11}}groobesité}-
