Ci këru dëj bu Sander ci wetu Berlin Zoo ci Allemagne, ay rangooñu keesu néew yuñ defaree ci anam wu amul fenn, dañuy dindi gis-gis biñ daan am ci jumtukaayi dëj yu cosaanoo -keesu këyit yu am formu berso, keesu néew yu am formu gaal napp, ak keesu néew yuñ defaree willow bu rafet. Yii keesu néew yu nuru lu yomb, dañuy fësal bu baax xalaatu aar environmaa bi ak toppatoo doomu aadama ci liggéeyum dëj ci Allemagne. Tay, keesu néewu Almaañ, ak aar environmaa bi nekk core ak personaaliseer bi nekk màndarga, ñu ngi joxewaat "dignité bu mujj ci dundu".
Coppite ci environmaa bi mooy gëna am solo ci liggéey bi. Ay politik yu mel ni "Green Death" bu EU moo ko jiite, ligeeyukaay keesu néew yu Almaañ doornañu coppite ci yokkute bu yagg ay at ci ginnaaw. Ndànk-ndànk ñu ngi wecci keesu dénk yi fi yàgg a nekk ndax dañu daan lekk dénk bu bari ba noppi di bàyyi gaz carbonique bu gëna bari suñuy lakk néew bi. Mbir yu baax ci environmaa bi lu ci melni këyit buñ mëna yeesal, saule, bamboo, ak xobi pandanus ñoo nekk mbir yiñ gëna tann. Liggéeyukaay bi ñuy defaree usine keesu néew ci Berlin dafa wuute lool: liggéeykat yi dañuy kompresse surnaal yiñ defaraat ak këyit biro, def ci fibre lujum ngir defar ci prototype, ba noppi ñu muur ko këyit buñ defaree xob ak soi, ba noppi ñu mujjee ko defaree motif homboli ak soi. Xeetu keesu këyit boobu mënul yàqu ci suuf si ci diiru 7 at, waaye mën na dindi ndox mu asid miy fees ci yaram wi jaaraleko ci formul buñ jagleel ngir moytu yàq suuf si; ba ci lakk seen néew, du yàgg benn waxtu, te loolu dafay wàññi bu baax energie bi ñuy jëfandikoo ak gaz carbonique bi ñuy bàyyi ci jawwu ji, soo koy méngale ak keesu néew yi fi yàgg a nekk, te njëg bi ci diggante 200 euro kese la, maanaam lu néew benn ci juróomi pàcc yi ci keesu néew yiñ defaree dénk.
Xarala yu bees yi dañuy boole kalite ak personaalisasioŋ. Liggéeyukaay yi defar keesu néew ci Allemagne dañu yàgg a am cosaan ak aada, te leegi dafa ànd bu baax ak bëgg-bëggu nit ñi ci jamono jii. Lignotec, defarkatu keesu néew bu siiw, dafa xaaj keesu néew yi ci juróomi xeetu néew ci usineem bu Berlin: "Yomb & Rafet", "Solid & Elegant", "Modern & Postmodern", "Duurable & Naturel", ak "Yomb & Antique". Konsomatër yi mën nañu tànn bant bi ak melo bi méngoo ak bëgg-bëggu ki génn àdduna, ba noppi ñu yokk ci yeneen mbir yuñ personaalise bu melni tablo, jàppukaay yu yam, ak vernis yu am melo. Ñenn defar nañu sax ay "keesu garab", yu am humus ak jiwwu ci biir. Ginaaw ñu suul ko, jiwwu yi mën nañu dugg ci suuf si, màgg ak dundal ki génn àdduna, soppi jeexal dundu nekk ndoortelu dundu gu bees; keesu néew yiñ defaree këyit ngir suul ci géej, dañuy may mbokk yi ñu mëna defar ay motif ci keesu néew bi, ñu def ci ay mesaasu ñaxtu, loolu dafay tax tàggoo bi fees dell ak tàngoor. Rax ci dolli, keesu néew yu REGIO FEUER, yi jël raw gàddu gi ci produit vert, ñu ngi leen di defaree dénk buy yàgg buñ sertifiye PEFC, am fibre ak leen ci biir, ñu baña bàyyi carbon ci biir, ba noppi nekk produit buñ mëna jëfandikoo ngir defar keesu néew yu baax ci environmaa bi.
Xarala yu xarañ yi ak dijital yi dañuy jàppale liggéey bi mu jëm ca kanam. Ci crematorium bu bees bi ci Berlin, keesu néew yi dañu leen di bindu ci aparey elektronik ginaaw bi ñu leen joxee, ñu takk kodu bar ci miir bi ci biti, ñu def ci biir ay xeer yu am nimero ngir mëna wax ni dóóm yi mën nañu méngoo bu baax ak ki génn àdduna ginaaw bi ñu ko lakkee. Ordinatër moo yor sistemu lakk néew bi, mooy yóbbu keesu néew bi ci benn bouclage induction ngir yónnee keesu néew bi ci incinerateur bi ci yoon wiñ tànn bu njëkk. Design multi-layer bi mën na tëye keesu néew yu bari benn yoon te du jaawatle dóóm yi. Ci ëllëk, ak duggu bu xarañteef yu xarañ yi, keesu néewu Almaañ dina boole itam ay mbir yu mel ni ay kaptër yu biir ak jokkoo bu amul kable ngir amal ay sarwiis yu bees yu mel ni fësal dosiye dundu ak naqar bu sori ngir ay mbokk, gëna tax dëj bi gëna tàng te gaaw.
Ginaaw coppite yooyu am ci liggéey bi, amna coppite bu am solo ci cosaan ak aada dëj ci Allemagne. Bu njëkkoon, keesu néew bu seer lañu daan jappee ni ngir sargal ki génn àdduna, waaye leegi waa Almaañ ñoo gëna bëgg "tàggoo ak ki génn àdduna ci anam wi ki génn àdduna di toppatoo baax". Done yu juge ci kuréel gi yor konsomatër yi di Aeternitas wonena ni Almaañ amna lu tollu ci 32000 bàmmeel waaye limu lakk yi yokkna joge ci 10 ci teemeer boo jél ci 1960 yegg ci 54.5 ci teemeer boo jél tay. Xeetu dëj yu wert yu melni "suul ci àll bi" ak "suul ci géej" dañu gëna bari luñu koy jëfandikoo. Ci anam yu mel noonu, liggéeyum keesu néew yi ci Allemagne duñu yam ci aar environmaa bi, waaye itam jaaraleko ci jëmmal buñ personaalise bu baax ak toppatoo doomu aadama yi, dafay soppi dëj bi joge ci xew-xew bu mag mu nekk sargal bu woyof ci dundu.
Sunu sukkandikoo ci benn rapoor bu bawoo ci Grand View Research, ñu ngi seentu marse produit dëj ak serwiis yu Europe màgg ci 5.17% ci at mi diggante 2025 ba 2030, ci ñoom keesu néew yu baax ci environmaa bi ñooy gëna màgg. Ak njariñam bu njëkk bi, liggéeyum keesu néew ci Allemagne mingi boole bu baax konsepti aar environmaa bi, jéego yu bees ci xarala yu bees ak toppatoo doomu aadama, di joxe jaar-jaar bu am solo ngir yokkute buy yàgg ci liggéeyum dëj ci àdduna bi. Ni portoparoolu kuréel gi yor dëj ci Almaañ waxe, li ëppu solo ci dëj moy sargal dundu, te keesu néewu Almaañ ñungi matt "jubluwaay bu mujju bi ak dundu" ci anam wu gëna woyof.
